How and What causes Liver cyst?

கல்லீரல் நீர்க்கட்டிகள் என்பது உங்கள் கல்லீரலில் தோன்றும் திரவத்தால் நிரப்பப்பட்ட பைகள். கிட்டத்தட்ட பெரும்பாலான கல்லீரல் நீர்க்கட்டிகள் தீங்கற்றவவையே . அதாவது புற்றுநோய் அல்லாதவை. சில நீர்க்கட்டிகள் அறிகுறிகளை ஏற்படுத்தும் அளவுக்கு பெரிதாக வளரும். சில கல்லீரல் நீர்க்கட்டிகள் மரபுவழிக் கோளாறால் ஏற்படுகின்றன. பெரும்பாலானவற்றுக்கு மருந்துகளை மட்டுமே பயன்படுத்தி சிகிச்சை அளிக்கப்படுகின்றன. கல்லீரல் நீர்க்கட்டிகளில் 1 முதல் 5 சதவிகிதம் வரை மட்டுமே பு ற் றுநோய் சார்ந்தவை . அவற்றில் 30 சதவிகித நீர்க்கட்டிகள் அறிகுறியை அளிக்கும் அல்லது புற்றுநோயாக மாறும் அபாயம் இருக்கிறது.

கல்லீரல் நீர்க்கட்டிகள் எதனால் ஏற்படுகின்றன ?

பெரும்பாலான கல்லீரல் நீர்க்கட்டிகள் பிறவியிலேயே உ ள்ளன . அதாவது அவை பிறக்கும்போதே உருவாகிவிடுகின்றன. பிறவி கல்லீரல் நீர்க்கட்டிகளுக்கு என்ன காரணம் என்று இதுவரை அறியப்படவில்லை .

வகைகள் :

  1. ஹைடாடிட் நோய் (எக்கினோகாக்கால் அல்லது ஹைடாடிட் நீர்க்க ட்டிகள்)
  2. எளிய கல்லீரல் நீர்க்கட்டி (எஸ்எல்சி)/பாலிசிஸ்டிக்கல்லீரல் நோய் (பிஎல்டி)

கல்லீரல் நீர்க்கட்டியின் அறிகுறிகள் என்ன?

  • வயிற்றின் மேல் வலது பகுதியில் மந்தமான வலி.
  • வீங்கிய அல்லது விரிந்த வயிறு.
  • குமட்டல் மற்றும் வாந்தி.
  • பசியின்மை அல்லது மிகக்குறைந்த உணவை உண்ட பிறகு நிரம்பிய உணர்வு.
  • மூச்சுத் திணறல் உணர்வு.
  • வயிற்றில் பெரிய கட்டிகளை உணர முடிதல் .
  • மஞ்சள் காமாலை . கல்லீரல் நீர்க்கட்டிகள் உங்கள் பித்த நாளங்களை அடைத்தால் இது நிகழலாம்.
  • காய்ச்சல் மற்றும் கடுமையான வயிற்று வலி… ஒரு நீர்க்கட்டி சிதைந்துபோனால் இது நிகழலாம்.

கல்லீரல் நீர்க்கட்டிகளை எப்படி கண்டறிகின்றனர் ?

  • அல்ட்ராசவுண்ட்
  • CT ஸ்கேன் (CT Scan)
  • காந்த அதிர்வு இமேஜிங் (எம்ஆர்ஐ)

பெரும்பாலான கல்லீரல் நீர்க்கட்டிகள் தீங்கற்றவையே .
அவை உங்கள் வாழ்க்கைத் தரத்தைப்பாதிக்கக்கூடிய
அறிகுறிகளை அரிதாகவே ஏற்படுத்துகின்றன.